İyülniñ 3-ne keçer gecesi Rusiye arbiyleri Ukrayinağa 52 darbe Shahed ve çeşit taqlit dronlarınen Rusiyeniñ farqlı yönelişlerinden ücüm etti, dep bildirdi Ukrayina Silâlı quvetleriniñ Ava küçleri.
«Saat 08:00-ğa qadar ava mudafaa vastaları memleketniñ şarqı ve cenübinde 40 duşman Shahed uçucısızınen (ve diger uçucısızlarnen) ücüm etti. 22-si ateş ücüm vastalarınen urıp tüşürildi, 18-i coyuldı/radioelektron küreş vastalarınen bastırıldı. Duşmannıñ darbe uçucısızları yedi yerde ücüm etti, tüşürilgenler bir yerde tüşti», – dep aytıla haberde.
Ukrayina akimiyetiniñ malümatına köre, Odesa Rusiye ücümi neticesinde beş insan yaralandı, çoq daireli ev ve diger vatandaş infrastruktura obyektleri zarar kördi. Dairelerde soñra söndürilgen yanğınlar çıqtı.
Rusiye arbiyleri çeşit silâ qullanıp, Ukrayina regionlarına muntazam sürette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturasına, vatandaş ealisini öldürgenine, hastahaneler, mektepler, bala bağçaları, energetika ve suv teminlevi obyektlerini yoq etkenine red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri dep tanıy ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
